2024 جىلدىڭ قاڭتار-مامىر ايلارىندا قتج جەلىسى بويىنشا 102,4 ملن توننا جۇك تاسىمالداندى, دەپ حابارلايدى Egemen.kz.
رەسپۋبليكا بويىنشا جۇك تيەۋ وتكەن جىلدىڭ سايكەس كەزەڭىمەن سالىستىرعاندا 2,5% ءوسىپ, 68,2 ملن توننانى قۇرادى. ەكسپورتقا تەمىر جول كولىگىمەن 34,2 ملن توننادان استام جۇك جونەلتىلگەن. ال تاس كومىر تيەۋ 40,6 ملن توننانى قۇراسا, ونىڭ ىشىندە ەل ىشىندە 30,3 ملن توننا قاتتى وتىن جانە دە 3,7 ملن توننادان استام استىق تاسىمالداندى.
«2024 جىلدىڭ بەس ايىنىڭ قورىتىندىسى بويىنشا قارا مەتال تيەۋ 6,8%, ياعني 1,8 ملن تونناعا دەيىن, تەمىر كەنى مەن مارگانەتستى تيەۋ 12,1%, 8,8 ملن تونناعا دەيىن, ءتۇستى كەن مەن كۇكىرت شيكىزاتىن تيەۋ 14%, 10 ملن تونناعا دەيىن ۇلعايدى», دەيدى ساراپشىلار.
ۇنتاق ونىمدەرىنىڭ ەكسپورتى 2,3% (1 ملن توننادان استام), مۇناي جۇكتەرى 9,5% (2,3 ملن توننا), قارامەتالدار 5% (1,4 ملن توننا), حيميالىق تىڭايتقىشتار 12% (550 مىڭ توننادان استام), تەمىر كەنى مەن مارگانەتس 8,4% (4,7 ملن توننا) وسسە, قۇرىلىس جۇكتەرى 9% (142 مىڭ توننا) ارتتى.
رەسپۋبليكا بويىنشا استىقتى تيەۋ 2% (956 مىڭتوننا), قارا مەتال تيەۋ 12,5% (438 مىڭ توننا), تەمىركەنى مەن مارگانەتس تيەۋ 16,8% (4 ملن توننا), ءتۇستى كەن مەن كۇكىرت شيكىزاتىن تيەۋ 17,4% (8,5 ملن توننا) ۇلعايعان.
التىناي ابدىش,
ل.ن.گۋميلەۆ اتىنداعى ەۇۋ ستۋدەنتى